State Politics News(Nellore):
★మంత్రి అనిల్, కోటంరెడ్డి సోదరుల భేటీ
★సుమారు రెండు గంటలకు పైగా చర్చలు
■మంత్రి నివాసంలో అల్పాహార విందు
సంక్రాంతి పండుగను పురస్కరించుకొని నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి , రూరల్ కార్యాలయ ఇంచార్జి కోటంరెడ్డి గిరిధర్ రెడ్డిలు ఇస్కాన్ సిటీ లో
మంత్రి అనిల్ కుమార్ యాదవ్ తో శుక్రవారం భేటీ అయ్యారు. ఈ సందర్భంగా పరస్పరం శుభాకాంక్షలు తెలియజేసుకున్నారు. కోటంరెడ్డి సోదరులు ఇంటికి రాగానే మంత్రి అనిల్ ఆప్యాయంగా వారిని పలకరించారు. అనంతరం సుమారు రెండు గంటల సేపు పలు విషయాలపై వారు చర్చించుకున్నారు. మంత్రి అనిల్ కుమార్ యాదవ్ నివాసంలోనే అల్పాహార విందు చేశారు. ఎవరు ఎన్ని విమర్శలు చేసిన పేద ప్రజల సంక్షేమమే ధ్యేయంగా నిత్యం ప్రజల్లో ఉంటూ వారి సంక్షేమానికి కలిసికట్టుగా పనిచేయాలని నిర్ణయించారు. ముఖ్యమంత్రి వైయస్ జగన్మోహన్ రెడ్డి నాయకత్వంలో నెల్లూరు కార్పొరేషన్ 54 స్థానాల్లో విజయకేతనం ఎగురవేసామని , అదే స్ఫూర్తితో వైఎస్ఆర్ కాంగ్రెస్ పార్టీని మరింత బలోపేతం చేసేందుకు తీసుకోవాల్సిన చర్యలపై వారు చర్చించారు. భవిష్యత్ లో మరింత గా పార్టీని బలోపేతం చేసేందుకు సిద్ధంగా ఉందామని ఇద్దరు ఒక ఆలోచనలోకి వచ్చారు. ఈ భేటి కార్యక్రమంలో తదితర వైసీపీ నేతలు పాల్గొన్నారు.