State Politics News(Nellore):
పెన్నా నదిలో పడి కొట్టుకుపోయిఓ కంప చెట్ల మధ్య ఇరుక్కుని ఉన్న వృద్ధుడిని నవాబుపేట్ పోలీసులు కాపాడారు.వివరాల్లోకి వెళితే నెల్లూరు జిల్లా, కోవూరు మండలం ఇనమడుగు గ్రామానికి చెందిన కాలేషా నెల్లూరు రంగనాయకుల స్వామి దేవస్థానం వద్ద ప్రమాదవశాత్తు నదిలో పడి కొట్టుకుని పోయాడు. ఈ నది ప్రవాహంలో వృద్ధుడు ఓల్డ్ చెక్ పోస్ట్ వద్ద నదిలోకి పడిపోయి ఉన్న చెట్టు వద్ద ఆగి రాత్రంతా బిక్కు బిక్కుమంటూ ఆర్తనాదాలు తో అల్లాడిపోయాడు. ఉదయం అటుగా వెళుతున్న నవాబుపేట్ పోలీసులు వృద్దున్ని గుర్తించి స్థానిక పోలీసు స్టేషన్ సిఐ సుబ్బారావు కు సమాచారం అందించారు. సిఐ ఎస్సై రమేష్ బాబు ని, తన సిబ్బంది ని సంఘటన స్థలానికి పంపి వృద్దున్ని తాళ్ళ సహాయంతో నదిలో నుండి బయటకు తీసి 108 ద్వారా జిల్లా ప్రభుత్వ ఆసుపత్రికి తరలించారు. కాలేషా కుమారుడికి ఫోన్ ద్వారా సమచారం ని పోలీసులు చేరవేశారు. కానిస్టేబుళ్లు ప్రదీప్,మనోహర్ ల ను సిఐ అభినందించారు.