State Politics News (Nellore):
భారత ప్రధాని నరేంద్ర మోడీ 71వ జన్మదినం సందర్భంగా 39వ డివిజన్ ఫతేఖాన్ పేట రావి చెట్టు సెంటర్ నందు బిజెపి రాష్ట్ర నేత దాసరి రాజేంద్ర ప్రసాద్ గౌడ్ ఆధ్వర్యంలో భారీ కేకును కట్ చేసి సంబరాలు జరిపారు.ఈ సందర్భంగా ఆయన మాట్లాడుతూ సామాన్య వ్యక్తి ఆసామాన్య శక్తిగా ఎదిగి నేడు ప్రపంచానికి మార్గదర్శనం చేస్తున్నాడని అన్నారు. ప్రస్తుత కోవిడ్ ప్రత్యేక పరిస్థితులలో 75 కోట్లకు పైగా వ్యాక్సినేషన్ పూర్తిచేశాడని, అది కార్యకర్తల అండతో రానున్న రోజుల్లో మరింత వేగంగా వ్యాక్సినేషన్ పూర్తి చేస్తారని అన్నారు. సేవ మరియు సమర్పణ కార్యక్రమం సెప్టెంబర్ 17 నుండి అక్టోబర్ 7 వరకు జరుగుతుందన్నారు.మొట్టమొదటిగా 2001 అక్టోబరు 7న నరేంద్ర మోడీ గుజరాత్ ముఖ్యమంత్రిగా ప్రమాణ స్వీకారం చేశారు. తదుపరి మూడు సార్లు గుజరాత్ ముఖ్యమంత్రిగా, రెండుసార్లు భారత ప్రధానిగా కొనసాగుతున్నారు. 20 సంవత్సరాలు అయిన సందర్భంగా ఆయన జన్మదినం నుండి మొదటగా అధికార పగ్గాలు చేపట్టిన వరకు ఇరవై రోజుల మధ్యకాలంలో బిజెపి జాతీయ నాయకత్వం వివిధ సేవా కార్యక్రమాలు చేయాలని నిర్ణయించిందన్నారు.ఈ కార్యక్రమానికి ముఖ్యఅతిథిగా జిల్లా అధ్యక్షులు భరత్ కుమార్ పాల్గొని మాట్లాడారు.ఈ కార్యక్రమంలో జిల్లా నాయకులు గణేశo కృష్ణమ్మ, కుప్పు ప్రసన్న, గీతాంజలి, మండల అధ్యక్షుడు చిలక ప్రవీణ్, జిల్లా కార్యదర్శి ఫణి రాజు తదితరులు పాల్గొన్నారు.