State Politics News【Nellore】:
కరోన వ్యాధిని అరికట్టడంలో ఆనందయ్య ఆయుర్వేద మందు దేశవ్యాప్తంగా ప్రశంసలు పొందిందని పినాకిని యూత్ వెల్ఫేర్ అసోసియేషన్ అధ్యక్షుడు కె.మురళీమోహన్ రాజు పేర్కొన్నారు. సోమవారం నెల్లూరు మైపాడు సెంటర్ లోని కెపీఆర్. కల్యాణ మండపం నందు ఆనందయ్యను పినాకిని యూత్ వెల్ఫేర్ అసోసియేషన్ వారు ఘనంగా సత్కరించారు. ఈ సందర్భంగా ఎస్.వి.ఆర్. స్కూల్ కరెస్పా0డెంట్ అందే శ్రీనివాసులు మాట్లాడుతూ కరోనాతో బాధ పడుతున్న ఎంతో మందికి తన ఆయుర్వేదం మందు ద్వారా ప్రాణాల్ని నిలబెట్టిన గొప్ప వ్యక్తి ఆనందయ్య చేస్తున్న ఉచిత సర్వీసుని కొనియాడారు. ఈ కార్యక్రమంలో పినాకిని యూత్ వెల్ఫేర్ అసోసియేషన్ సభ్యులు మోతె మల్లికార్జున్, రవి గోగులపల్లి తదితరులు పాల్గొన్నారు.