State politics news【Nellore】:
సేవతోనే మనిషికి నిజమైన సంతృప్తి కలుగుతుందని జేడీ ఫౌండేషన్ కార్యదర్శి మాకినేని అరుణ పేర్కొన్నారు. జేడీ ఫౌండేషన్ ఆధ్వర్యంలో శనివారం ఉదయం నెల్లూరులోని బ్లడ్ బ్యాంక్ నందు జేడీ.లక్ష్మీ నారాయణ జన్మదినం సందర్భంగా రక్తదాన శిబిరం మరియు బాలాజీ నగర్ లోని గీతామయి వృద్ధుల ఆశ్రమంలో వృద్దులకు పండ్లు- కేకులు పంచి పెట్టారు. ఈ సందర్భంగా ఆమె మాట్లాడుతూ జేడీ లక్ష్మీ నారాయణ స్నేహశీలి,సౌమ్యులు నిరాడంబరం కలిగిన ఆయన ఆలోచన విధానాన్ని స్ఫూర్తిగా తీసుకుని ఇటువంటి రక్తదానం, పలురకాల సేవాకార్యక్రమాలు అన్ని జిల్లాలో చేయడం జరుగుతున్నదని,భవిష్యత్తులో మరెన్నో సేవా కార్యక్రమాలు చేస్తామని ఆమె వివరించారు. ఈ కార్యక్రమంలో పినాకిని యూత్ వెల్ఫేర్ అసోసియేషన్ అధ్యక్షుడు కె.మురళీమోహన్ రాజు, యశ్వంత్ కుమార్, గీతామయి వృద్ధుల ఆశ్రమం అధినేత తమ్మినేని పాండు, బ్లడ్ బ్యాంక్ మోటివేటర్ మధు, రవి గోగులపల్లి తదితరులు పాల్గొన్నారు.