State politics news {nellore rural}:
నెల్లూరు రూరల్ నియోజకవర్గ పరిధిలోని మాదరాజుగూడూరు గిరిజన కాలనీలో 47 మంది గిరిజనులకు పొజిషన్ సర్టిఫికెట్లును నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి , రూరల్ ఎమ్మెల్యే కార్యాలయం ఇంఛార్జ్ కోటంరెడ్డి గిరిధర్ రెడ్డి లు పంపిణీ చేశారు. ఆదివారం స్థానిక మాదరాజు గూడూరు లో ఎమ్మెల్యే కోటంరెడ్డి శ్రీధర్ రెడ్డి పర్యటించారు.
ఈ సందర్భంగా ఆయన మాట్లాడుతూ..ఒక చరిత్ర సృష్టించే విధంగా అతిపెద్ద మెజారిటీతో మాదరాజుగూడూరులో సర్పంచ్ ను గెలిపించిన గ్రామ ప్రజలకు పేరుపేరున కృతఙ్ఞతలు తెలియజేస్తున్నానని రూరల్ ఎమ్మెల్యే కోటంరెడ్డి శ్రీధర్ రెడ్డి అన్నారు. ఎక్కడా పార్టీల భేదం చూడకుండా ప్రజా సమస్యల పరిష్కారం కోసం నిరంతరం కృషి చేస్తామని ఆయన అన్నారు.