✍️వియం✍️: నెల్లూరు నగరంలోని అయ్యప్పగుడి కూడలిలోని పరుపులు, దిండ్లు గో డౌన్ లో భారీ అగ్నిప్రమాదం చోటుచేసుకుంది.ఆదివారం రాత్రి విద్యుత్ షార్ట్ సర్క్యూట్ తో ప్రమాదం సంభవించింది.భారీగా ఆస్థి నష్టం వాటిల్లింది. ఆ ప్రాంతానికి నెల్లూరు టిడిపి పార్లమెంటు అధ్యక్షులు అబ్దుల్ అజీజ్ చేరుకుని ప్రమాదానికి గల కారణాలను ఆయన స్థానికులను అడిగి తెలుసుకుని బాధితులను పరామర్శించారు. భారీగా నష్టపోయిన బాధితులు, గోదాములో ఉన్న పరుపులు, వారి దిండ్లు , దూది మొత్తం అగ్నిపాలై సుమారు 20 లక్షల వరకు నష్టపోయినట్టు ఆవేదన వ్యక్తం చేశారు.
అగ్నిప్రమాదంలో త్రీవంగా నష్టపోయిన నాగూర్ బాబు ను ప్రభుత్వం ఆదుకోవాలని టిడిపి నెల్లూరు పార్లమెంటు అధ్యక్షులు అబ్దుల్ అజీజ్ డిమాండ్ చేశారు.ఈ సమస్యను కలెక్టర్ దృష్టికి తీసుకెళ్తామని బాధితుడికి తగు న్యాయం జరిగే విధంగా కృషి చేస్తామని ఆయన తెలిపారు. విద్యుత్ శాఖ వారు కూడా సంఘటనా స్థలాన్ని పరిశీలించి వీరికి తగు న్యాయం జరిగేలా చర్యలు తీసుకోవాలని డిమాండ్ చేశారు. ఈ కార్యక్రమంలో సాబీర్ ఖాన్, జలదంకి సుధాకర్, రేవతి, మాతంగి కృష్ణ, ఆశిక్, దయాకర్, విజయ్, వేమా హజరత్, ఆకుల రాజేష్, నవీన్, జియావుల్ హక్, ఇలియాజ్ తదితరులు పాల్గొన్నారు.