9వ డివిజన్ లో కమిషనర్ పర్యటన-సమస్యలు పరిష్కరించాలని ఆదేశం
న్యూస్ ఫోర్స్,నెల్లూరు: నగరంలోని 9వ డివిజన్ లో నగర పాలక సంస్థ కమిషనర్ టి.బాపిరెడ్డి పర్యటించారు. గురువారం స్థానిక 9వ డివిజన్ బంగ్లాతోట, కుసుమ హరిజన వాడ, యనమల పాలెం తదితర ప్రాంతాలను అధికారులతో కలిసి ఆయన పరిశీలించారు. ఈ సందర్భంగా డివిజన్లోని పలు ప్రాంతాల్లో పారిశుద్ధ్య పనులను ప్రణాళికా బద్దంగా నిర్వహించాలని అధికారులను ఆదేశించారు.అంతేకాకుండా పారిశుద్ధ్య పనులు సరిగా చేపట్టడం లేదని అధికారులు పై మండిపడ్డారు.నగరంలోని అన్ని డివిజన్లలో చెత్త సేకరణ పనులను ప్రణాళికాబద్ధంగా నిర్వహించేలా చర్యలు తీసుకోవాలని అధికారులను కమిషనర్ ఆదేశించారు. ఈ కార్యక్రమంలో కమిషనర్ వెంట శానిటరీ సిబ్బంది తదితరులు పాల్గొన్నారు.#ఎస్పీన్యూస్