750మంది హోం గార్డులకు పేర్నాటి చేయూత
న్యూస్ ఫోర్స్,నెల్లూరు: జిల్లాలో 750మంది హోంగార్డులకు బియ్యం బస్తాలు నిత్యావసర వస్తువులను పేర్నాటి చారిటబుల్ ట్రస్ట్ ఆధ్వర్యంలో అందజేశారు. శనివారం సాయంత్రం నగరంలోని డి ఎస్ ఆర్ గెస్ట్ ఇన్ లో జరిగిన విలేకరుల సమావేశంలో పేర్నాటి చారిటబుల్ ట్రస్ట్ అధినేత పేర్నాటి శ్యాంప్రసాద్ రెడ్డి మాట్లాడారు.కరోనా వైరస్ మహమ్మారి నేపథ్యంలో లాక్ డౌన్ అమలవుతుందని పనులు లేక ఇబ్బందులు పడుతున్న పేద ప్రజలుకు పేర్నాటి చారిటబుల్ ట్రస్ట్ తరఫున తాము ఆదుకుంటున్నామన్నారు. అలాగే జిల్లాలో నిత్యం కరోనా నియంత్రణ లో కష్ట పడుతున్న హోం గార్డులకు తమవంతుగా చేయూతనందించామన్నారు.గూడూరు నియోజకవర్గంలోని ప్రతి గ్రామంలో సేవా కార్యక్రమాలు విస్తృతంగా నిర్వహిస్తున్నామన్నారు.ఈ సేవా కార్యక్రమాలుకు తమకు తోడుగా నిలుస్తున్నస్నేహితులు కు,మీడియాకు ప్రత్యేక ధన్యవాదాలు తెలుపుతున్నామన్నారు.ఈ కార్యక్రమంలో మోడరన్ స్కూల్ అధినేత వాకాటి విజయ కుమార్ రెడ్డి, దర్గామిట్ట పోలీసు స్టేషన్ సిఐ మిద్దె నాగేశ్వరమ్మ,లలిత్ జైన్, కిషోర్, ట్రస్ట్ సభ్యులు, సిబ్బంది తదితరులు పాల్గొన్నారు.#ఎస్పీన్యూస్#